沙職：吉達衝冠打爆艾卡迪沙_東方日報

沙職冠軍爭逐白熱化，星期六凌晨上演艾卡迪沙對吉達艾阿里嘅矚目大戰。吉達向冠軍全速衝刺，近15場聯賽豪取14勝1和嘅超誇張戰績，即使今場作客實力強橫嘅艾卡迪沙，憑衝冠戰意同頂尖實力，一樣可以「遇神殺神」，客勝值得捧場。

（on.cc東網周六凌晨3時直播）文:工廠仔

吉達艾阿里依家同艾納斯、希拉爾3強鼎立，暫時只係落後榜首艾納斯2分，今輪佢哋率先登場，贏波就可以過「一哥癮」，同時向之後1日上陣嘅艾納斯及希拉爾施加壓力，戰意肯定高昂。吉達挾6連勝強勢，對上17場贏咗15場，接近9成嘅勝率唔講得笑。

艾雲東尼搏盡爭金靴
英格蘭射手艾雲東尼上場聯賽重拾射門鞋，攻入今季第24球，同艾卡迪沙嘅祖利安基洛尼斯並列射手榜第1位，要贏呢場金靴大戰肯定更加落力，吉達艾阿里火力極有保證。唔好忘記，佢哋防守力同樣超強，今季12場聯賽作客只係失過4球，亦係吉達近7場聯賽作客，拎到6勝1和嘅最大原因。

艾卡迪沙依家穩坐沙職「4哥」位置，球隊喺羅渣士執教下表現非常穩定，已經連續17場賽事不敗。不過，艾卡迪沙嘅實力畢竟同3雄有所差距，球隊對上一次輸波，就係上年11月以1比2不敵吉達艾阿里。翻查兩軍近4次對賽，法定時間吉達有3勝1和優勢，4場合共轟入艾卡迪沙14球，有格食格味道，今場一於捧客勝。
广东聘多多 gdpdd.com 广东招聘网 广东人才网 广东找工作