英足盃：列斯聯掛住護級細盤有着諾_東方日報

今晚英足盃16強壓軸戰，列斯聯主場對諾域治。列斯聯近況麻麻，而且目前護級大過天，盃賽場合隨時有所保留；「金絲雀」近況唔錯，越級挑戰靠鬥志頂住，加上近年碰頭旺少交收，2.5球細盤值得捧場。（Now 651周一凌晨零時30分直播）文:法達斯維

列斯聯話晒都係英超分子，對住英冠仔諾域治點都秤先啲，但主Ｗ得1.32倍值博率唔高，查實佢哋近況一般，近8仗僅得1勝，仲要入得8粒咁大把，尤其射手卡維特利雲陷入低潮，令攻力更加疲弱，上圈英足盃對同樣嚟自英冠嘅伯明翰，要靠互射12碼過關，非常驚險。更重要嘅係，列斯聯目前喺英超排第15位，只係比尾3嘅韋斯咸多3分，護級形勢依然嚴峻，保住英超席位大過天，今仗隨時收起多名主力，留番啲力護級好過。

諾域治戰意更高
諾域治雖然喺英冠只徘徊中下游，但近況唔錯，各項賽事近11場贏咗9場，充滿鬥志，何況佢哋爭升班機會唔高，倒不如爭吓盃賽好過，論戰意更勝一籌。雙方近5次對碰，有4次開2球或以下，淘汰賽場合分分鐘更保守，寧捧2.5球入球細。
广东聘多多 gdpdd.com 广东招聘网 广东人才网 广东找工作