沙特職：C朗有傷要變陣 艾納斯細盤姆甩拖_東方日報

沙特職爭標形勢緊湊，上輪榜首3雄齊齊贏波，奪冠熱門艾納斯今仗迎戰尼奧姆SC，賽前收到王牌前鋒C朗拿度受傷消息，進攻力大受削弱，艾納斯亦會改變踢法，希望能夠穩中求勝。尼奧姆SC防守力唔差，可以對艾納斯製造重大阻力，預料上半場膠着居多，3.5球嘅入球細博得過。

（on.cc東網周日凌晨3時直播）文:工廠仔

艾納斯衝擊冠軍氣勢如虹，各項賽事錄得12連勝，單計聯賽亦連贏10場，近期更加連場大勝，不過上場贏艾費哈就得不償失，葡萄牙前鋒C朗尾段受傷離場，經檢查後發現大腿拉傷，預計要抖2至4個星期。雖然艾納斯陣容鼎盛，但冇咗呢位今季聯賽入21球嘅射手，入球能力當然大打折扣。

據報艾納斯會用沙特前鋒艾咸丹代替，要佢取代C朗嘅功能當然冇可能，球隊亦會改變踢法，唔會踢得太過搶韁。睇番C朗早前「罷踢風波」，缺陣嘅4場賽事雖然全部贏晒，但係3場都係小勝1比0，4場總入球全開2球或以下，明顯係想用最穩陣方式贏波。

尼奧姆SC靠防守搵食
尼奧姆SC排喺中游位置，但入球數字低過唔少下游分子，全靠穩健防守支撐大局，佢哋作客比賽踢得特別穩陣，近5場作客只係輸過1場，總入球全開2球或以下，今場作客好可能屯重兵防守，冇咗C朗嘅艾納斯未必咁易咬得入，3.5球嘅入球細更加值得支持。

广东聘多多 gdpdd.com 广东招聘网 广东人才网 广东找工作