沙特職：作客跌Watt賓施馬缺陣 希拉爾谷唔起益晒艾沙比_東方日報

沙職爭冠形勢千變萬化，早前形勢大好嘅「擂台躉」希拉爾，連續2場失分後形勢急轉直下，就連王牌前鋒賓施馬亦告打柴，周六凌晨作客艾沙比危機四伏。希拉爾喺壓力下表現走樣，對住近期演出有起色嘅艾沙比，作客讓波有難度，捧讓球主勝（+1）。

（on.cc東網周六凌晨3時直播）文:工廠仔

希拉爾喺施蒙尼恩沙基執教下，球隊着重控球同效率，不過嚟到衝刺時刻，過分講求攻守平衡嘅戰術，反而令球隊欠缺強攻氣勢。希拉爾今季聯賽仍然不敗，但和波太多一樣都係咁致命，連續2場聯賽同伊蒂哈德、艾塔亞文打和後，爭冠形勢已落後艾納斯，依家要谷番起搶主動權唔容易。

紐尼斯冇註冊得個睇字
希拉爾喺冬季轉會窗大事擴軍，以為人才濟濟直指冠軍，但人算不如天算，新加盟嘅賓施馬因肌肉受傷缺陣，但另一星級前鋒達雲紐尼斯已被取消沙職註冊，冇得幫手。希拉爾近期作客表現頗為差勁，近5場作客只係得1勝4和成績，喺爭冠壓力下反彈難度更大，今場仲要讓波信唔過。

艾沙比依家排喺中下游位置，不過近期演出有好轉，近6場聯賽贏咗4場，比利時主帥施基利擅長穩守突擊，恩歷克卡拉斯高同耶仙艾里都係個人能力極強嘅反擊能手，希拉爾急於求勝搶攻，隨時會暴露更多漏洞。艾沙比今場有力一戰，主場受讓必捧讓主。

广东聘多多 gdpdd.com 广东招聘网 广东人才网 广东找工作