沙特職：賓施馬倒轉槍頭未驚過 伊蒂哈德爭氣撐下盤_東方日報

今晚東網直播沙特職豪門大戰，希拉爾對伊蒂哈德。聯賽一哥希拉爾獲沙特主權財富基金（PIF）偏袒，喺冬季轉會市場大手買人，但近期所見成績唔算太突出，近7場和咗4場，就算贏波都唔係場場大勝；反觀伊蒂哈德主力離隊下反而大踢爭氣波，近5場贏4場，今場受讓一球、球半，下盤值博。

（on.cc東網周日凌晨3時直播）文:邪神

沙特職早前嘅「大地震」，主角就係希拉爾，佢哋冬季轉會窗瘋狂增兵，包括最後一刻從今場對手伊蒂哈德挖走王牌前鋒賓施馬，引發聯賽競爭對手艾納斯巨星C朗嬲到罷踢，好在後來風波平息。

增兵希拉爾近況一般
不過就近期所見，冬窗增兵後嘅希拉爾反而「消化不良」，表現唔算突出。現時聯賽形勢，希拉爾已經畀踢多場嘅吉達艾阿里追到同分，艾納斯僅落後1分排第3，佢哋各項賽事近7場只得3勝4和，只有兩場贏兩球或以上，賓施馬新加盟首仗即連中三元，似乎好勁，但對手只係排尾二嘅艾科多，今場對住同屬豪門嘅伊蒂哈德，或者可以勉強贏波，但讓到一球、球半，上盤就唔睇好。

伊蒂哈德今季由於失分太多，衞冕機會渺茫，期間經歷換帥，早前除咗賓施馬遭挖角，中場尼高路簡迪亦離隊，不過球隊近期表現回穩，近5場4勝，包括喺亞冠精英盃連續兩場大勝對手，重拾戰意，面對PIF「大細超」，相信伊蒂哈德同C朗嘅心情一樣，唔會咁易就範，下盤撐得過。

广东聘多多 gdpdd.com 广东招聘网 广东人才网 广东找工作