沙職：作客艾科多睇定食艾卡迪沙 細 盤過肥年_東方日報

今晚沙特職上演強弱懸殊之戰，護級球隊艾科多主場對前列分子艾卡迪沙，論整體實力無疑係艾卡迪沙勝一籌，但球隊近期表現走下坡，入球數字減少，預料今場就算贏都係小勝居多。加上雙方近4次交鋒，總入球全開2球或以下，客W太熱冇肉食，寧願博中位數3.5球嘅入球細。

（on.cc東網周六凌晨3時直播）文:Mic少

未計周五凌晨賽事，艾科多排聯賽尾二，比護級線以上第15位達馬克FC少5分，降班危機愈來愈大，急需要搶分，但以艾科多近7場聯賽只有2和5負嘅頹勢，想擊敗艾卡迪沙，恐怕機會非常渺茫，惟有屯重兵加強防守，希望守和拎到1分已經達標。

艾科多遇強擺鐵桶
事實上，艾科多1月中旬主場對另1支爭標勁旅吉達艾阿里，僅以0比1落敗，可見「鐵桶陣」產生不俗效果。

由前利物浦主帥羅渣士執教嘅艾卡迪沙，早前一度獲得聯賽7連勝，但其後無以為繼，近4場只有2勝2和，當中2場勝仗同樣僅以1比0小勝兩支中游球隊卡赫利、尼奧姆SC，贏得欠缺說服力。首席射手列迪古腳風唔多順，近5次上陣只有2球進帳，遇上蓄意防守嘅艾科多，恐怕更難入波。

事實上，艾卡迪沙近年對住艾科多，往往陷入苦戰，近4次碰頭只有1次贏2比0，其餘3次都打和0比0，客勝屬於高風險、低回報，捧入球細比較划算。
广东聘多多 gdpdd.com 广东招聘网 广东人才网 广东找工作