今日亞冠精英盃最後1輪，中超球隊成都蓉城喺A組作客日職球隊町田澤維亞。成都蓉城背城借一，必定要全取3分先有機會打入前8名，不過町田澤維亞始終有一定實力，即使提早出線今場有機會出副選，亦唔會輕易失波。成都蓉城近6場亞冠賽事，5次開2球或以下，寧願博2.5球入球細。（HOY TV 76台周二晚6時直播）文:渡邊年
FC上海難擋急先鋒武里南聯
先講講形勢，亞冠每組前8名可以出線16強，成都蓉城現時排第10位，以2分落後第7至9位球隊柔佛DT、FC江原同蔚山HD，即係今場一定要贏，仲要寄望競爭對手失分，先有機會出線，形勢非常被動。町田澤維亞今屆亞冠曾以同樣比數2比0擊敗上海海港及FC上海，對中超兵顯然有一定把握。由於佢哋已鎖定前8席位，今場大有機會畀更多副選上陣，進攻力及作戰心態難免打折扣，但成都蓉城踢法攻弱守強，就算贏波都係小勝居多，博入球細比較啱數。
至於另一中超代表FC上海，則作客泰國武里南聯。FC上海篤定出局，今季3場亞冠作客亦全部輸晒，武里南聯主場急先鋒，各項賽事近5次主場出擊，4次半場領先，今場肯定會急攻對手，半場主勝好路。（周二晚8時15分開賽）
广东聘多多 gdpdd.com 广东招聘网 广东人才网 广东找工作
粤公网安备44011302004166号