今晚英足盃第4圈早場，伯明翰主場越級挑戰列斯聯。英冠球隊伯明翰各項賽事近8場保持不敗，表現非常硬淨，主場出擊隨時有驚喜。反觀列斯聯要集中力量應付英超護級，盃賽戰意成疑，客Ｗ超過2倍熱唔透，似乎有暗湧，寧願博伯明翰讓主(+1)。（Now 651周日晚8時直播）文:Mic少
伯明翰目前排英冠第10位，整體成績唔算突出，主因係上半季失分太多，佢哋上年12月底開始表現穩步上揚，近11場賽事僅1敗，其中近8場獲得5勝3和。單計主場出擊近11次更加取得6勝5和，水準非常可靠，有能力同英超護級球隊列斯聯抗衡。
卡維特利雲病愈缺態
列斯聯上場英超爆冷逼和豪門車路士2比2，球員鬥志可嘉，但近4仗只贏得1場，作客勝算唔大。加上佢哋喺英超仲未擺脫降班威脅，首要工作係全力喺聯賽搶分護級，以球隊有限人腳，難以兼顧盃賽，隨時輪換陣容，尤其主力前鋒卡維特利雲日前病咗，雖然已經冇大礙，但就算可以落場，狀態亦唔慌十足。再睇埋列斯聯近4次作客伯明翰，有3次輸波而回，咁嘅往績試問點樣讓波。
广东聘多多 gdpdd.com 广东招聘网 广东人才网 广东找工作
粤公网安备44011302004166号