德盃：拜仁狂鋒上盤辣得有理_東方日報

今晚德盃8強重頭戲，班霸拜仁慕尼黑主場火併RB萊比錫。拜仁坐擁哈利卡尼、路易斯迪亞斯等「大炮」，攻力強勁，加上近年專剋萊比錫，讓球盤讓到1.5/2球都冇有怕，照捧上盤。（周四凌晨3時45分開賽）

雖然拜仁近13季德甲12度封王，但自從2019-20年度球季後，再未嘗過德盃冠軍滋味，正如射手哈利卡尼話齋，呢場8強戰，先至係今季真正考驗嘅開始，一定要攞出最佳表現迎敵，可見佢哋都好重視呢隻盃仔。卡尼入波停不了就好正常喇，連路易斯迪亞斯都弗到震，今季各項賽事已入18粒，包括日前聯賽狂數賀芬咸五個一皮，大演帽子戲法兼交兩次助攻，創造晒全隊5個入波，火力全開。

萊比錫最怕惡「仁」
萊比錫近況比較飄忽，之前5場贏得2場咁大把，幾乎場場有失波。萊比錫以往對住拜仁都偷到雞，不過自上季高柏尼接手拜仁後就未威過，之前4次碰頭，只得1和3負，仲要輸親都至少輸4球，尤其係上月尾聯賽交手，萊比錫靠逼搶打法搶到先機，半場領先1球，點知易邊後畀拜仁三扒兩撥就反勝5比1，無論質素抑或後備力量都有明顯分野，讓球盤拜仁讓到1.5/2球咁辣係有原因，上盤捧得過。
广东聘多多 gdpdd.com 广东招聘网 广东人才网 广东找工作