日職：勝利船穩陣波細在必行_東方日報

日職百年構想聯賽，B組神戶勝利船主場迎戰長崎成功丸。勝利船踢法穩中求勝，連同周中亞冠盃2比0擊敗ＦＣ首爾，球隊近6場正式賽事5次開2球或以下；長崎成功丸升班首仗主場1比3輸畀廣島三箭，現時排榜尾，相信今場會加強防守求和，或者輸少當贏，2.5球入球細屬最佳之選。

（無綫myTV SUPER周五晚6時直播）文:邪神

成功丸死守博偷雞
呢項過渡賽事最大特點，就係打和後要互射12碼，神戶勝利船首輪聯賽作客京都不死鳥踢成1比1，互射12碼勝利船勝出，依家有2分排B組第4，今場主場出戰新升班嘅長崎成功丸，肯定以3分為目標，不過佢哋連同上季，近6次主場正式賽事3勝3和，勝率只得50％，並無十足把握。

長崎成功丸重上日職，難免要交學費，首仗不敵廣島三箭已證明球隊未適應日職節奏，但正如之前所講，呢項賽事打和要互射12碼，為弱隊死守求和搶分提供極大誘因，面對強敵，相信球隊上下會以和波為目標，預計戰況膠着，神戶勝利船就算贏都只能小勝，捧2.5球入球細啱數。

广东聘多多 gdpdd.com 广东招聘网 广东人才网 广东找工作