英足盃：傷兵滿營！維拉細鬥紐記_東方日報

英足盃第4圈上演「英超大戰」，由阿士東維拉主場迎戰紐卡素。維拉近期飽受傷患困難，連維拉公園球場嘅氣勢都大跌watt，今場對住踢盃賽醒神嘅紐卡素，要入波都有一定難度，預料兩軍會陷入拉鋸，2.5球嘅細盤值得捧場。（Now 652周日凌晨1時45分直播）文:工廠仔

維拉今季表現令人喜出望外，不過踢到季中累積唔少傷兵，約翰麥甘尼同泰利文斯缺陣令球隊攻守效率大減，射手奧尼屈堅斯傷愈後亦狀態未復，新加盟嘅譚美阿巴謙仲要時間入局，令維拉表現出現下滑。

維拉近期火力銳減
維拉主場一向強勁，不過最近威力明顯減弱，近4場主場2勝2負，上場靠白禮頓擺烏龍小勝1比0，贏得冇乜說服力。維拉近期進攻欠銳，近7場比賽有6場總入球開2球或以下，今場都唔似多波入。

「紐記」今季成績麻麻，但踢盃賽表現唔差，上季勇奪英格蘭聯賽盃冠軍，今季英聯盃亦踢到4強先至出局，上場聯賽擊敗熱刺亦注下強心針，今場作客會穩中求勝，2.5球嘅入球細好路。

广东聘多多 gdpdd.com 广东招聘网 广东人才网 广东找工作