英超：黑貓擺鐵桶半和守住仙_東方日報

榜首阿仙奴主場接受新特蘭挑戰！雖然「兵工廠」愈戰愈勇，不過球隊喺主場反而踢得穩陣，近5次主場出擊，4次半場同對手不分勝負，加上新特蘭作客酋長球場一向擺鐵桶，推介半場和。

（Now 621及611周六晚11時直播）文:渡邊年

「兵工廠」上周聯賽啱啱先贏列斯聯，結束英超3場不勝走勢，要保住同曼城及維拉6分同7分距離，今場都係穩中求勝。阿仙奴近5次主場出擊4次開半場和，可能你會話，呢幾場半場和嘅對手係車路士、曼聯、利物浦及阿士東維拉喎！新特蘭唔會啦，不過唔好忘記，首循環阿仙奴作客新特蘭，就係畀「黑貓」補時入波逼和2比2，打斷當時阿仙奴10連勝。

「黑貓」上場主場大勝般尼3比0，自從一班非洲兵歸隊之後，球隊近4仗場場有入波，取得2勝1和1負成績，雖然話佢哋作客表現打折扣，但球隊作客酋長球場又唔係完全捱打，近5次都有4次半場頂得住唔輸。

阿仙奴回氣歎慢板
新特蘭自知技不如人，肯定會屯重兵防守，呢點正正係阿仙奴最缺乏嘅破密集能力，加上米基爾馬連奴、布卡約沙卡受傷，馬田奧迪加特亦唔知出唔出得，「兵工廠」更加少爆破點，而且周中聯賽盃4強次回合激戰完車路士，唔多唔少有啲疲態，半場歎慢板都好正常，一於再追半場和。

广东聘多多 gdpdd.com 广东招聘网 广东人才网 广东找工作