今晚英超「護級6分波」，列斯聯主場迎戰諾定咸森林。兩軍同樣離降班區有6分距離，今場列斯聯有主場之利，但過去10場喺艾蘭路球場出擊9次畀對手攻入大門，8次開3球或以上，今場轉玩2.5球入球大。
（Now 621周六凌晨4時直播）
試埋波膽「2:1」「2:2」
列斯聯同諾定咸森林都係24戰得26分，連得失球差都係一樣，列斯聯只係入波較多排16位。列斯聯近況唔錯連盃賽近12場只係輸過2場，包括作客同紐卡素激戰輸3比4，同埋0比4不敵阿仙奴，球隊暫列下游，只係季初踢得差。「白玫瑰」近期能夠急起直追，主要係攻力唔錯，卡維特利雲入9球排射手榜第6位，不過球隊防守不穩，過去10次主場出擊，9次畀對手攻入大門，今場未必可以保持清白之身。
諾定咸森林經歷過兩度換帥，由紐奴、普斯迪高路到依家嘅戴治，聯賽總算穩定落嚟，喺歐霸排13位有得踢附加賽，球隊即使兼顧3條戰線，近7場亦只係輸過1場，唔係無搶分機會，相信今場會鬥攻好好睇，除咗入球大，不妨小注波膽「2:1」同「2:2」。
广东聘多多 gdpdd.com 广东招聘网 广东人才网 广东找工作
粤公网安备44011302004166号