東網今晚直播沙特職好戲碼，吉達艾阿里主場迎戰艾哈森，排第3位嘅吉達艾阿里落後榜首希拉爾3分，必定搏盡爭勝，保持爭標機會，前鋒艾雲東尼頻頻入波，高居射手榜一哥，以艾哈森脆弱防線，恐怕難以抵擋呢位英格蘭球星。考慮到吉達艾阿里主W太熱冇肉食，近4次主場出擊有3次總入球開4球或以上，最好博中位數3.5球嘅入球大。
(on.cc東網周五凌晨1時30分直播)文:Mic少
吉達艾阿里人腳質素及星味，不亞於另外2支爭標勁旅希拉爾、艾納斯，鋒線上嘅艾雲東尼腳風極順，近9次聯賽上陣其中8次有波入，今季沙特職已有18球進帳，比巨星C朗多1球，領先射手榜，以「東尼仔」勇態，今仗有力再數胡。
中前場都係「士哥拿」
此外，翼鋒馬列斯、加連奴、中場安素米洛特、基斯爾都具備入球能力，馬列斯仲有4次助攻，為隊友創造唔少入波機會。以吉達艾阿里近4場主場合共轟入13球嘅強大攻力，炒得起艾哈森，但主攻踢法，後防難免比較空虛，近4次主場亦失咗4球，贏波未必可以保持清白之身。
至於艾哈森排聯賽中下游，防守差成為球隊一大死穴，近9場聯賽都有失波，不時大敗收場，包括上月以1比5不敵艾卡迪沙，以及慘吞艾沙比4蛋，今仗可謂凶多吉少。不過，艾哈森攻力尚可，上月曾經落後2球之下，反勝艾拿積馬3比2，以及打和艾塔亞文2比2，預料即使今仗輸波，都應該有能力破蛋，有望合演入球騷。
广东聘多多 gdpdd.com 广东招聘网 广东人才网 广东找工作
粤公网安备44011302004166号