熱刺現時排喺歐聯第5，直入16強機會頗大。
歐聯搶分戰當中相對容易一仗，就係熱刺作客已出局嘅法蘭克福，熱刺現時手執14分排第5，比一眾13分球隊佔先機，對手法福篤定出局，冇乜威脅，再加上熱刺近5次歐洲賽對德甲球隊4勝1和，集咁多有利條件於一身，客勝相當抵玩。（周四凌晨4時開賽）文:邪神
熱刺今季聯賽戰績低落，英足盃亦遭到淘汰，反而喺歐聯形勢唔差，現時排喺第5名，今場只要贏波，即可確定直入16強資格，唔使同嗰班13分球隊計得失球，形勢非常着數，唯一擔心係熱刺作客表現頗差，近4場作客只係贏得1場，不過佢哋上場先贏過同樣來自德甲嘅多蒙特，今場面對實力弱得多嘅法蘭克福，應該更容易贏。
喺李察利臣同古度斯長期養傷情況下，熱刺鋒線得番蘇蘭基，不過呢位英格蘭射手上場今季首次喺歐聯上陣就入波，至於進攻中場沙維西蒙斯亦都曾經踢過3季RB萊比錫，今場去到德國作客肯定幫到手。
法福多失波兼顧入球大
「法福」喺歐聯7戰僅得4分已經提前出局，今場只屬例行公事，球員為名譽而戰，不過球隊剛經歷換帥，看守教練施密特接手冇幾多日，難望有改善表現，佢哋近期後防「放題」，近5場每場失3球，夾埋失咗15球，熱刺入波冇難度，捧客勝之餘，2.5球入球大亦可兼顧。
广东聘多多 gdpdd.com 广东招聘网 广东人才网 广东找工作
粤公网安备44011302004166号