英超：紅軍留力歐聯捧半場和_東方日報

今晚英超尾場，般尼茅夫對利物浦，般茅今季成績大跌，冬季轉會市場仲放走安東尼施美安，衰多二錢重，不過「紅軍」都唔好得好多，踏入2026年4場聯賽全部和晒，作客就更保守，多數先求穩陣，近5場聯賽作客4次開半場和，相信今場都唔例外，首選半場和。

（Now 621及611周日凌晨1時30分直播）文:邪神

咪睇利物浦上場歐聯作客大炒馬賽3比0好似好勁，今季大家都領教過「利記海鮮」係咩料，上場踢得好唔代表今場實得。更何況「紅軍」今季重心已經唔喺聯賽，佢哋聯賽只要打入前5攞到歐聯資格就算，反而嚟緊歐聯聯賽階段煞科戰對卡拉巴克先係重中之重，將全力求勝爭取直入16強，今場難免有保留。消息指，加普今場將會取代穆罕默德沙拿，中堅伊巴希馬干拿迪亦會復出，擺個防守陣容，好明顯想先穩住唔輸，再搵機會入波。

般茅縮後頂得住
至於般茅自去年11月以來只贏過1場咁大把，今場將會縮後嚟踢，路易斯曲克同阿歷斯史葛雙防中加4個後衞堅守城池，佢哋上半場好氣好力相信頂得住，半場和好易捱到。
广东聘多多 gdpdd.com 广东招聘网 广东人才网 广东找工作