歐聯早場，加拉塔沙雷對馬德里體育會。兩隊仲有機會爭直接出線16強資格，今場唔會手軟，不過論近況馬體會明顯較佳，加拉塔沙雷近3場僅得1勝，狀態麻麻，馬體會聯賽同盃賽2連勝，近5場歐聯贏4場，加上近3次歐洲賽對加拉塔沙雷全勝，往績食住對手，點計都係馬體會贏面高，作客讓平半照捧上盤。（Now 643周四凌晨1時45分直播）文:邪神
馬體會近8場贏咗6場，隊中3大射手祖利安艾華利斯、阿歷山大索洛夫同基沙文輪流建功，各項賽事合共攻入29球，主帥施蒙尼個仔基利安施蒙尼亦交出3球7助攻極佳數據，呢個陣容今場應該夠殺。
土耳其勁旅加拉塔沙雷擁有域陀奧森漢、利萊辛尼、根度簡等球星，但好睇唔好食，喺歐聯6戰得9分，最後兩輪要贏晒先有機會入前8，今場焗攻有利馬體會打反擊，隨時輸埋唔奇。
法蘭克福大開有條路
同時間仲有場卡拉巴克對法蘭克福，卡拉巴克狀態麻麻，至於法福德甲連續3場開4球或以上，3.5球入球大咪錯過。（Now 638周四凌晨1時45分直播）
广东聘多多 gdpdd.com 广东招聘网 广东人才网 广东找工作
粤公网安备44011302004166号