英超：紅藍對決領隊拗手瓜_東方日報

今個星期英超重頭戲將於曼徹斯特上演，曼聯坐鎮奧脫福迎戰同市死敵曼城。雙方喺本季首循環交鋒中，曼聯曾以0比3落敗，但向來打吡戰從不單是3分之爭，更牽涉士氣、形象及城市榮譽，預料兩隊將全力以赴，勢成焦點。文:謝德謙

調兵遣將成焦點
曼聯方面，球會解僱領隊艾摩廉後，由前球員卡域克暫任主帥，今場亦係佢領軍後首場打吡。「紅魔」近期表現反覆，近6場各項賽事僅錄得1勝，喺聯賽方面連續3場打和狼隊、列斯聯及般尼，反映曼聯喺攻防兩端仍欠穩定性，今仗面對強敵曼城，卡域克如何調兵遣將成焦點。

至於曼城，「藍月」於哥迪奧拿領導下排喺英超次席，進攻火力持續強勁，防守數據同樣穩健。根據近季交鋒紀錄，曼城喺英超對陣曼聯時多數佔優，鋒線核心艾寧夏蘭特今季已攻入20球，成為「紅魔」後防重點盯防嘅對象。

戰術層面方面，曼城一向以控球組織為主，哥帥頻密調整陣式與走位，使對手難以預測；曼聯新帥卡域克或會採取更積極嘅壓迫及快速反擊策略，利用主場氣氛及跑動強度，爭取打亂曼城嘅控球節奏。
广东聘多多 gdpdd.com 广东招聘网 广东人才网 广东找工作