沙特職：艾法特客W手到拿來_東方日報

沙特職頭場，由艾拿積馬主場硬撼艾法特。艾拿積馬雖然狀態有起色，但艾法特聯賽豪取5連勝，弗到勒唔住，今仗有力反客為主，客勝不容錯過。

（on.cc東網周五晚9時40分直播）文:法達斯維

艾拿積馬開咧後14輪聯賽只得2和12負，係今季沙特職唯一未開齋球隊，敬陪末席都係合理。老實講，艾拿積馬近期表現確係有好轉迹象，包括半場落後3粒劣勢下，最終惜敗畀伊蒂哈德3比4，上仗對艾哈森更一度領先兩球，卻反輸2比3，睇得出佢哋並非任人魚肉，但無奈踢得點好都係輸波收場，質素始終遜一籌。

博好分玩埋讓球和
另邊廂，中游分子艾法特弗到漏油，近5場聯賽全部贏晒，包括擊敗有艾雲東尼助陣嘅吉達艾阿里，走出之前連敗陰霾，其中3場更能夠保持不失，攻守兼備，依家全隊信心爆棚，梗係想食住個勢再下一城，寧買當頭起，客勝係不二之選。

不過正如之前所講，艾拿積馬表現明顯係好咗，睇番佢哋近5仗4度輸波，呢4場都係以1球之差落敗，預計艾法特今場都好難大炒，如果想博好分頭，不妨買埋「讓球主客和」嘅讓球和。
广东聘多多 gdpdd.com 广东招聘网 广东人才网 广东找工作