非國盃：塞內加爾埃及細均力敵_東方日報

非國盃4強賽事，頭場將會上演前屆決賽翻版，塞內加爾對埃及，雖然兩隊今屆都入咗唔少波，但原來兩隊強強對壘就係另一回事，近4次交手全開1球或以下，前屆決賽更係踢足120分鐘都係「窿窿」，結果塞內加爾互射12碼捧盃，所以今場大細中位數壓到1.5球，依然睇好入球細。（Now 643周四凌晨1時直播）

摩洛哥細鍊尼日利亞
沙迪奧文尼領軍嘅塞內加爾今屆晉級之路冇遇過強隊，5戰獲4勝1和，攻入11球，8強對防守力極強嘅馬里只能小勝1比0，今場對住老對手埃及，想入波唔係咁易；埃及5戰法定時間獲3勝2和，攻入7球，穆罕默德沙拿獨佔4球，即係話只要嘜實沙拿，埃及就攻力減半，何況兩隊實力接近，加上4強階段更加唔敢亂嚟，今場悶和機會甚高，先捧入球細，再等睇互射12碼好戲。

至於尾場就由東道主摩洛哥對尼日利亞，摩洛哥今屆志在捧盃，不過表現欠缺霸氣，幸好防守夠穩健，近5場只失1球，有4次開2球或以下，尼日利亞雖然有鋒霸域陀奧森漢助陣，但佢哋最近爆出獎金糾紛，士氣難免受影響，今場將由摩洛哥主導戰局，預計入球偏少，捧2.5球入球細啱數。（周四凌晨4時開賽）
广东聘多多 gdpdd.com 广东招聘网 广东人才网 广东找工作