英聯盃：延續主場打不死精神 紐卡素受讓再下一城_東方日報

英聯盃4強首回合大戰展開，衞冕嘅紐卡素主場惡鬥曼城。「喜鵲」近期狀態回勇，球員連場展現出打不死鬥志，喺聖占士公園出擊氣勢磅礡，強如「藍月亮」都會退避三舍，今場多數先求穩陣，作客讓波相當牙煙，捧讓球主勝（+1）先係明智之選。（無綫MyTV SUPER周三凌晨4時直播）文:工廠仔

紐卡素領隊艾迪侯域近期不斷嘗試，似乎搵到磨合方向，聯賽3連勝後，上場英足盃亦成功晉級，而且球員展現出極強鬥心。早前喺補時連入2球，4比3反勝列斯聯後，上仗對般尼茅夫又喺補時5分鐘入波追平，最終互射12碼贏出，連場絕地反擊好戲，對球員信心有莫大幫助。

紐卡素貴為衞冕球隊，踢英聯盃特別醒神，上季4強兩回合都贏阿仙奴，決賽再挫利物浦捧盃，今屆對上兩圈亦淘汰熱刺同富咸兩支英超球隊，爭冠決心十足。再者，紐卡素喺主場威力非常驚人，近13場主場取得10勝3和不敗佳績，曼城要贏波難度極高。

藍月防線傷兵為患
曼城啱啱喺英足盃狂數10比1晉級，不過對手只係低組別球隊埃克塞特，參考性唔算太高，就算有翼鋒安東尼施美安加盟，亦幫唔到佢哋防守上嘅問題。「藍月亮」近期防線飽受傷兵困擾，加華度爾同魯賓迪亞斯齊齊受傷，後場人手捉襟見肘，連最近提前回收嘅新人麥斯阿利尼都要即刻孭重飛。

曼城近3場聯賽都失分而回，要兼顧英超及歐聯戰線下，英聯盃未必會傾盡全力，而且曼城近年造訪聖占士公園都佔唔到甜頭，近5次作客紐卡素只得1勝2和2負，讓球主勝（+1）放心捧場。
广东聘多多 gdpdd.com 广东招聘网 广东人才网 广东找工作