西超盃：巴塞皇馬宿敵爭冠大無畏_東方日報

喺沙特阿拉伯中立場舉行嘅西超盃今晚深夜上演決賽，巴塞隆拿同皇家馬德里合演「西班牙打吡」，亦係兩隊連續4屆喺西超盃決賽碰頭。對上3屆巴塞贏咗2次，皇馬贏1次，死敵交手戰況難測，睇番近3屆決賽都開大比數賽果，加上雙方近5次正式賽事交手，4次開4球或以上，捧3.5球入球大屬明智之選。（周一凌晨3時開賽）文:邪神

雙方鋒線人才滿瀉
巴塞喺上輪向畢爾包狂派5蛋，皇馬則以2比1擊敗馬德里體育會，兩隊都以上佳狀態爭奪今屆冠軍寶座。巴塞前鋒人才滿瀉，上場派出費倫托利斯、拉芬夏比洛尼、費明盧比斯同新星朗尼巴迪積上陣，4人合作攻入5粒，後備席上仲有拉明耶馬、拉舒福特、丹尼爾奧莫同羅拔利雲度夫斯基，進攻火力同選擇都十足，唔使驚入唔到波。

至於皇馬早前傳出沙比阿朗素帥位不穩，但隨住球隊5連勝危機暫時解除，近兩仗喺基利安麥巴比缺陣下，打起咗「新魯爾」干沙路加西亞，而且有消息指「麥總」將趕赴沙特助陣，再配合洛迪高高斯等人，進攻陣容唔差得過巴塞。事實上雙方近年交手例多波入，包括上屆西超盃決賽，巴塞大勝5比2捧盃，開埋總入球[7+]，捧3.5球入球大穩陣。

广东聘多多 gdpdd.com 广东招聘网 广东人才网 广东找工作