英足盃：羅Sir第1擊車路士請飲查_東方日報

今晚英格蘭足總盃尾場，有「新帥效應」嘅車路士作客查爾頓。車仔今場由羅仙尼亞帶隊，預料首戰會強攻低組球隊，立下軍威，雖然會輪換，但會保留一定實力，查爾頓連英冠都未踢掂，頂唔住車仔攻勢，車路士讓1/1.5球，上盤值得支持。

（Now 652周日凌晨4時直播）文:渡邊年

查爾頓英冠都未搞得掂
呢個「倫敦打吡」對碰，最近嗰次已經係2007年英超，唔經唔覺已經係18年前，當年林柏特一箭定江山作客贏波。時移世易，查爾頓經歷幾次升降班，依家喺英冠排19，距離降班區只得5分之差。

車路士則經歷過換老闆、多次換帥、攞歐聯、世冠盃等頂級錦標，而且仲啱啱換咗新領隊添。羅仙尼亞喺法甲斯特拉斯堡執教63場勝率49.2%，嚟到挑戰英超，第一擊最緊要贏波立軍威，雖然大部分英超球隊喺盃賽會輪換，但「羅Sir」新上任，對後備及青年球員實力未摸熟，相信唔敢冒險出太多副選，估計正選有機會佔一半或以上，整體實力肯定凌駕查爾頓之上。

車路士喺足總盃對低組別球隊成績理想，之前63次有61次淘汰對手，包括最近22次，今場過關唔難，不過客勝賠率乏味，揀車仔讓1/1.5球嘅上盤就最抵玩。

广东聘多多 gdpdd.com 广东招聘网 广东人才网 广东找工作