沙特職：爭做1哥強攻艾卡迪沙 艾納斯搶分主場大反擊_東方日報

爭標路途受到嚴重打擊嘅艾納斯，返主場鬥艾卡迪沙。艾納斯連續兩場聯賽失分，現時已被希拉爾爬頭跌落次席，今場肯定發癲咁進攻，不過球隊後防紙咁薄，撞正剋星艾卡迪沙近期回勇，隨時一射就穿，今場肯定多波入，一於捧3.5球入球大。

（on.cc東網周五凌晨1時30分直播）文:渡邊年

未講波先分享段艾納斯消息，有指C朗正積極游說會方，今夏免費簽入約滿皇家馬德里嘅魯迪格，呢名德國後衞2022年免費由車路士加盟皇馬後簽約4年，由於今年3月就已經33歲，皇馬無意同佢續約，C朗希望憑佢經驗幫到艾納斯。

防線多甩漏失球唔慌少
不過，遠水唔能夠救近火，艾納斯後防曳係不爭事實，早前先逼和伊蒂法克2比2，上仗更被吉達艾阿里以3比2打破聯賽不敗身，艾納斯跌落聯賽第2，今場C朗肯定極力爭取入波，但後防多甩漏，相信都好難保持清白之身，球隊近8場有7次開4球或以上，入得又失得。

現時排第5嘅艾卡迪沙，喺舊年12月請咗前利物浦領隊羅渣士做主帥，佢上任後球隊賽程不俗，全部對住下游球隊，結果帶隊3場愈戰愈勇，先同達馬克FC打成1比1，跟住接連以3比2及4比0大勝艾沙比同艾利雅德，收穫2勝1和成績，合共入咗8球，攻力不俗。而且艾卡迪沙近3次對艾納斯均有入波，仲全部贏波而回，今仗無懼同艾納斯鬥攻，更有利開出入球大。
广东聘多多 gdpdd.com 广东招聘网 广东人才网 广东找工作