喺沙特阿拉伯上演嘅西超盃展開，首場4強賽事由巴塞隆拿對畢爾包。衞冕嘅巴塞隆拿近期氣勢強勁，除咗一條豪華鋒線之外，防守穩定性提升亦係非常重要嘅原因，今仗對住踢法硬淨嘅畢爾包，預料上半場唔會踢得太進取，開中位數1.5球半場細機會高唱入雲。（周四凌晨3時開賽）文:工廠仔
巴塞隆拿近期8連勝，而且同季初經常出現「大手交易」唔同，近4場比賽都係穩打穩紮下贏2比0，門將祖安加西亞狀態大勇，艾利加西亞改踢防中亦令防守更加穩陣。巴塞隆拿鋒線有大把選擇，經常可以喺下半場撳掣發力，所以上半場就穩陣行先，近5仗半場總入球全開1球或以下。
畢爾包防線頂得住
畢爾包上場1比1逼和奧沙辛拿，喺西甲排第8位，明顯兼顧唔到歐聯在內多條戰線，只能靠堅固防守保本。畢爾包近6場賽事有5次半場開1球或以下，當中4場上半場踢成0比0，今仗面對強大嘅巴塞隆拿，只能夠先鞏固防守，兩隊上半場或陷入膠着，1.5球半場細好路。
广东聘多多 gdpdd.com 广东招聘网 广东人才网 广东找工作
粤公网安备44011302004166号