今晚有場英冠獨腳戲，李斯特城主場迎戰西布朗，兩隊近況都未如理想，但「狐狸兵團」李斯特城勝在踢法充滿娛樂性，頻頻製造大手交易，近11場聯賽總入球全開3球或以上。西布朗為搶分，希望盡快擺脫下游位置，亦冇退縮空間，相信雙方會鬥攻，最好揀中位數2.5球嘅入球大。（無綫myTV Super周二凌晨4時直播）文:Mic少
近年對賽多交收
李斯特城今季降落英冠，表現唔見有起色，踢25場聯賽只有9勝7和9負，好大程度上因為防線太脆弱，已經失37球，仲多過查爾頓、布力般流浪等護級分子，就算佐敦阿休、卜比列特等進攻球員有不俗發揮，但往往前面入埋唔夠後面輸，近4場輸3次，包括上場作客1比3不敵錫菲聯，即使今仗主場出擊亦不宜高估。
至於西布朗情況更加惡劣，近7場輸5次，淨計作客更9連敗，如果再唔改善，恐怕好快會捲入降班漩渦，遇上同樣處於頹勢嘅李斯特城，正係搶分好機會，估計會採取主攻踢法。西布朗前鋒希格保今季聯賽23次上陣入8球，可以對李斯特城防線構成重大威脅。再睇埋雙方近6次對賽，亦有5次總入球開出3球或以上，捧2.5球入球大比較穩。
广东聘多多 gdpdd.com 广东招聘网 广东人才网 广东找工作
粤公网安备44011302004166号