歐霸盃：信心爆棚同巴素利鬥攻維拉搶分入球騷_東方日報

今晚歐霸第6輪焦點戰，英超勁旅阿士東維拉作客瑞士球隊巴素利。維拉近期贏到開巷信心爆晒燈，而且作客例搶攻，造訪頻頻有失波嘅巴素利，今仗實多波入，2.5球入球大捧得過。

（Now 643周五凌晨4時直播）文:法達斯維

維拉季初試過各項賽事頭6仗不勝，其中4場交白卷，好彩主帥艾美利夠硬淨，成功扭轉咁曳嘅開局，帶領球隊各項賽事近15仗豪取13勝2負佳績，當中打出一波5連勝，另一波就係近期錄得嘅7連捷，睇番當中手下敗將不乏曼城、阿仙奴、熱刺等強隊，唔講得笑。眾所周知，艾美利係「歐霸之王」，維拉今屆5場歐霸獲4勝1負，現居第3位，為咗盡快鎖定前8直接出線席位，今場肯定唔會留手，而且維拉近5仗作客有4次開3球或以上，可見就算客場出擊亦絕不保守，狀態回勇嘅前鋒奧尼屈堅斯又有機會數胡。

巴素利入得失得
另邊廂，瑞士老牌球會巴素利今屆歐聯成績只係一般，暫時5戰只得2勝3負，當中攻入7球但又失番7粒，依家排緊第24位。雖然巴素利處於附加賽區，但其實積分上同排第8嘅球隊，只有4分差距，想爭取直接出線資格依然有價講，相信球隊喺隊長梳頓沙基利於中場派牌之下，今仗會藉地利傾力搶分。不過巴素利最大問題係防守唔多穩陣，各項賽事近7仗，只有1場冇失波，試問又點頂得住弗到漏嘅維拉狂攻呢？今場兩隊都有搶分決心，捧入球大最明智。
广东聘多多 gdpdd.com 广东招聘网 广东人才网 广东找工作