今日下晝澳職頭場，由FC麥克阿瑟主場迎戰墨爾本勝利。FC麥克阿瑟近況麻麻，撞正開咧後愈踢愈沉嘅墨勝，海軍鬥水兵格局，隨時悶戰一場，轉捧半場和好過。
（無綫myTV SUPER周五下午4時35分直播）文:法達斯維
FC麥克阿瑟開季成績一般，聯賽頭6輪只得2勝1和3負排第9位，當然同佢哋要兼顧埋亞冠二戰線有關。儘管FC麥克阿瑟依家喺亞冠二已提早取得出線資格，可將心思放返去聯賽，但佢哋各項賽事近4仗只得2勝2負，尤其係上仗喺主場0比2輸畀實力偏弱嘅珀斯光輝，今仗更唔敢輕敵，加上近5仗有4次開半場和，相信初段會先求穩陣。
墨勝近3仗0入球焗守
另邊廂，墨爾本勝利雖然今夏簽入前曼聯中場桑馬達，銳意加強進攻創造力，可惜呢位37歲老將冇貨交，只入1粒兼0助攻，難怪開咧後6輪聯賽，僅得1勝1和4負，仲要入得4粒咁大把，係入波最少球隊之一，單計近3場輸晒共吞6蛋。而且同FC麥克阿瑟相比，墨勝冇亞洲賽負擔，齋打聯賽都打得咁差，實在差強人意，為免再輸今仗隨時玩死守，捧半場和為妙。
广东聘多多 gdpdd.com 广东招聘网 广东人才网 广东找工作
粤公网安备44011302004166号