歐聯：英德一哥鬥攻冇留手 仙仁指路大盤啱數_東方日報

歐聯重頭戲，兩支4戰全勝球隊交鋒，英超榜首阿仙奴主場火併德甲一哥拜仁慕尼黑，雙方以往碰頭，拜仁多數食住兵工廠，但今時唔同往日，阿仙奴展現久違爭標霸氣，勢必乘勝追擊，力爭一雪前恥。拜仁慕尼黑攻力強大，亦無懼同對手駁火，翻查兩隊近5次歐聯對賽，有4次總入球開4球或以上，首選中位數2.5球嘅入球大。(Now 643周四凌晨4時直播)文:Mic少

阿仙奴曾於2015至17年期，連續3次歐聯以1比5慘敗於拜仁慕尼黑腳下，成為球隊史上奇恥大辱。雙方前屆8強重遇，阿仙奴兩回合總比數僅以2比3落敗，當中主場打和2比2，已大大拉近同拜仁嘅實力水平。兵工廠今季狀態達到顛峰，各項賽事近12場取得11勝1和，包括上場「北倫敦打吡」大炒熱刺4比1，愈踢愈有王者之風，現時士氣非常高昂。

雖然兵工廠射手約基利斯、隊長馬田奧迪加特養傷，但仲有李安度杜沙特、伊比爾治伊斯、布卡約沙卡等中前場猛將，每位都具備出色入球能力，有力撕破拜仁防線。唯一隱憂係中堅加比爾馬加希斯受傷長抖，防線未必可以抵擋拜仁強大火力。

拜仁擁「英超通」熟晒路
至於拜仁慕尼黑仲犀利，今季各項賽事18戰取得17勝1和，包括作客以2比1擊敗上屆歐聯冠軍巴黎聖日耳門，以及贏另一支英超倫敦豪門車路士3比1，遇上昔日「私房菜」阿仙奴，更加未驚過，相信會主攻求勝。事實上，拜仁擁有多位「英超通」，包括教練高柏尼、射手哈利卡尼、翼鋒米高奧利斯曾於英超搵食多年，非常熟悉阿仙奴，應該早有破敵良策。

雖然拜仁翼鋒路易斯迪亞斯停賽，但球隊勝在周身刀、張張利，尤其是哈利卡尼腳風極順，今季為拜仁上陣18場入24球，米高奧利斯亦有9球進帳及10次助攻，單憑兩人已足以攻陷對手大門。
广东聘多多 gdpdd.com 广东招聘网 广东人才网 广东找工作