歐聯：三叉戟互撼火花四濺 車仔迎巴塞鬥快開半大_東方日報

歐聯重量級激戰，逐步重拾勁旅本色嘅車路士，主場迎戰「火力最強」巴塞隆拿。兩隊依家都喺前8名以外，要爭取直接出線，今場3分志在必得，肯定會主動進攻壓逼對手，兩隊「三叉戟」攻力強勁，駁火味極濃，大機會上半場就即刻「埋牙」，中位數1.5球半場大抵玩。（Now 643周三凌晨4時直播）文:工廠仔

車路士自從上季連贏歐協聯同世冠盃冠軍後，表現穩步上揚，近5場賽事拎到4勝1和佳績，當中4場攻入至少2球。以祖奧柏度、柏度尼圖同阿歷真度加拿祖組成嘅「三叉戟」鋒線，速度同活力兼備，有望衝擊巴塞唔太穩陣嘅防線，乘主場氣勢必定主動搶攻。

「地上最強」強調進攻DNA
另邊廂，巴塞隆拿嘅進攻火力喺全歐洲數一數二，拉明耶馬、羅拔利雲度夫斯基同拉舒福特組成嘅「三叉戟」狀態大勇，就算今季失球數字高企，教練費歷克亦多次強調，搶攻踢法屬於「巴塞DNA」，絕對唔會改變，上輪對布魯日激和3比3、之前炒奧林比亞高斯6比1等大手交易賽事，相信會不斷上演。

巴塞恃住有條超班鋒線，踢法上非常搶韁，務求盡早攻破對手，所以經常喺上半場已激烈駁火。「地上最強」近10場賽事，半場總入球全開2球或以上，今場必追1.5球半場大。
广东聘多多 gdpdd.com 广东招聘网 广东人才网 广东找工作