歐聯：拿玻里回勇大起卡拉巴克_東方日報

兩支意甲球隊今晚歐聯分途出擊，拿玻里主場迎戰卡拉巴克，論整體人腳質素，拿玻里可睇高一線，但阿塞拜疆奇兵卡拉巴克歐聯近4戰有3場總入球開4球或以上，無懼同拿玻里駁火，首選3.5球入球大。（周三凌晨4時開賽）文:Mic少

上季意甲冠軍拿玻里歐聯演出令人失望，4戰只有1勝1和2負，最離譜係以2比6慘敗於燕豪芬腳下，爭出線形勢告急。幸好早前有國際賽空檔，拿玻里獲得喘息機會，上場意甲以3比1擊敗阿特蘭大，翼鋒大衞拿尼斯梅開二度，海倫、麥湯米尼各有助攻，中前場球員重拾狀態，今仗入波機會甚高。

卡拉巴克被視為陪跑分子，冇心理包袱下大踢開放足球，首輪作客爆冷以3比2擊敗賓菲加，跟住贏埋哥本哈根，雖然不敵畢爾包，但都有波入，卡拉巴克愈踢愈有信心，有力攻破拿玻里防線。

祖記易帥後勁旺和波
至於另一支意甲豪門祖雲達斯，將會作客挪超球隊波杜基林特，雙方同樣歐聯4戰未贏過，「祖記」喺10月底換帥聘請史巴列堤執教，表現仍然冇起色，各項賽事近3仗都和波，包括上輪歐聯同士砵亭踢成1比1，不妨再博和。（周三凌晨4時開賽）
广东聘多多 gdpdd.com 广东招聘网 广东人才网 广东找工作