英超：北倫敦打吡火花四濺 兵工廠撼熱刺 半大袋咗仙_東方日報

今晚英超「北倫敦打吡」，阿仙奴主場火併熱刺，兩大宿敵碰頭每每火花四濺，但雙方近期傷兵名單都幾驚嚇，邊隊贏唔易估。既然「兵工廠」近8次聯賽主場對熱刺，半場全開2球或以上，一於先搞掂1.5球半場大，再諗下半場策略。（Now 621及611周一凌晨零時30分直播）文:邪神

阿仙奴上輪2比2激和新特蘭，10連勝及連續8場不失球走勢同時斷纜，可見佢哋後防並非牢不可破，加上近期傷兵漸多，上周國際賽期間巴西中堅加比爾馬加希斯新加入「十字軍」，後防焗用新簽厄瓜多爾中堅軒卡派爾拍威廉沙列巴打正選，效果點都冇咁好，再失波唔奇。

兩隊傷兵多影響防守
其實「兵工廠」中前場傷兵問題同樣嚴重，但佢哋今季勝在人多，點都砌到個似樣進攻組合，預計米基爾馬連奴打箭頭，拍住布卡約沙卡同李安度杜沙特，中場有伊比爾治伊斯，主場要攻破熱刺防線唔係難事。

熱刺今季演出相當飄忽，聯賽主場成績慘不忍睹，但作客5戰4勝1和屬英超最佳，包括季初2比0砌低曼城，最近亦連勝列斯聯同愛華頓，今場到訪酋長球場隨時再有驚喜，不過佢哋傷兵問題更嚴重，受傷球員多達11人，好在巴西射手李察利臣上場對曼聯重拾射門鞋，中堅雲迪雲今季亦經常殺上前線助攻，仲入到波，阿仙奴防線未必擋得住佢哋，半場大好快夠數。

广东聘多多 gdpdd.com 广东招聘网 广东人才网 广东找工作