今輪英超焦點非今晚「北倫敦打吡」莫屬，阿仙奴同熱刺上仗不約而同2比2打和對手，國際賽期後重新出發，兩大死敵碰頭實行快打快，令戰局更添變數。文:謝德謙
阿仙奴鋒線踢出節奏感
阿仙奴上輪作客新特蘭領先到最後一刻，點知補時階段被對手逼和2比2，失分之餘氣勢難免受挫。加上今場有後防主力加比爾馬加希斯因傷缺陣，防線可能變得冇咁穩，面對熱刺高壓逼搶頗為吃力，可幸布卡約沙卡同李安度杜沙特腳風幾順，鋒線開季後建立嘅節奏感，相信仍可持續。
熱刺方面就相對平穩，今季場均失球唔算高，雖然近幾場比賽仍然畀對手搵到空位射門，但整體防守組織較上季成熟，中後場推進節奏更快，兩翼亦有威脅，一旦搵到反擊空間，足以令「兵工廠」後防風聲鶴唳。再拎兩隊近期數據對比，可以預計今場會相當緊湊：阿仙奴攻力銳利，但後防未必頂得住客軍快速反擊；熱刺防守雖穩，進攻效率就時高時低，臨門一腳尤其關鍵。
「北倫敦打吡」向來飛沙劈石，相信今場節奏同衝撞會更急更多，阿仙奴想喺主場重拾勝軌，熱刺則希望趁對手未完全調整好偷雞搶分，睇吓邊隊笑得出。
广东聘多多 gdpdd.com 广东招聘网 广东人才网 广东找工作
粤公网安备44011302004166号