周六凌晨德甲獨腳戲，緬恩斯對賀芬咸，緬恩斯聯賽排喺17位，牌面上唔睇好，不過佢哋近4次主場對賀芬咸全勝，所以今場唔係冇搶分機會；客隊賀芬咸聯賽4連勝，無獨有偶呢4場佢哋都攻入3球，2.5球入球大夠穩陣。
（Now 639周六凌晨3時30分直播）文:邪神
緬恩斯上季聯賽排第6，取得歐協聯席位，不過反而害咗佢哋，雖然球隊喺歐協聯聯賽階段3戰全勝，處於領先位置，但德甲成績明顯受到拖累，今季10戰僅得5分排尾2，德國國腳前鋒莊拿芬貝卡特今夏轉投法蘭克福，導致球隊攻力急跌，現時正箭頭33歲南韓前國腳李在城，聯賽僅入1球，幸好進攻中場拿迪安阿美利以3球進帳成為球隊首席射手，緬恩斯仍有進攻本錢。
賀芬咸踢法夠開放
賀芬咸現時排第6，佢哋今季特點係作客特佳，連同季前德國盃作客贏羅斯托克，今季7場作客法定時間錄得5勝2和未輸過，不過考慮到佢哋近年作客緬恩斯全敗，呢個宿命唔易破；再考慮埋賀芬咸另一特點，就係踢法開放，近4場聯賽全勝，攻入12球失4球，全開3球或以上，費斯歷阿斯蘭尼、林派利、卡拉馬歷等中前場球員輪流入波，淨係賀芬咸一隊都夠開2.5球入球大，可以放心捧場。
广东聘多多 gdpdd.com 广东招聘网 广东人才网 广东找工作
粤公网安备44011302004166号