外圍賽：普拉坦斯冇態冇戰意 甘拿斯亞搶分受讓靠得住_東方日報

聽朝阿甲次直播戲碼，上演B組CA普拉坦斯主場迎戰甘拿斯亞。CA普拉坦斯已經無緣季後賽，今場戰意成疑，相反甘拿斯亞仍有機會殺入季後賽，今仗有力反客為主，而且讓球主客和仲有得受讓咁筍，讓球客勝（+1）咪錯過。（HOY TV 76台周二早上6時28分直播）文:渡邊年

阿甲次將會分為A、B組，每組各有15隊，頭8名將會晉級季後賽。睇番B組形勢，CA普拉坦斯依家只得12分，淪為B組包尾大幡，肯定無辦法殺上前8嘅季後賽席位，今場只屬例行公事，好難有鬥心爭取勝利。

普軍近8場未贏過
至於狀態方面，CA普拉坦斯亦曳到爆，近8仗只係得3和5負未贏過，其中4仗更加食白果，攻力疲弱，就算齋計主場，各項賽事近8場主場僅1敗，睇落好似唔錯，但其實當中有6場係和波，勝率只得12.5%咁低，邊度有本錢讓波呢？

另邊廂，甘拿斯亞現時累積19分排喺第10位，同第8位嘅聖馬田聖祖安係同分，爭季後賽資格仲有價講。而且論近況，甘拿斯亞近5仗獲3勝2負，點計都好過CA普拉坦斯，而且單計戰意佢哋都贏晒喇，睇埋對賽成績，雙方近6次碰頭，甘拿斯亞取得2勝3和僅1敗，今場絕對唔赦CA普拉坦斯，讓球客勝（+1）捧得過。
广东聘多多 gdpdd.com 广东招聘网 广东人才网 广东找工作