女歐聯：阿仙奴半大火力澎拜_東方日報

衞冕女子歐聯嘅阿仙奴女足作客對德甲拜仁慕尼黑女足。「兵工廠」近期狀態回勇，射手阿歷西亞蘿素腳風超順，火力有保證，對住近期連場大勝嘅拜仁女足，駁火味道濃厚，隨時開波即埋牙，1.5/2球嘅半場大值得一博。（Now 643周四凌晨1時45分直播）文:工廠仔

阿仙奴女足首仗輸畀里昂女足後，上輪成功反彈擊敗賓菲加女足，今場當然要繼續爭勝；英格蘭前鋒阿歷西亞蘿素近期弗到漏，近5場比賽有4場入波，包括連續兩輪歐聯都建功，以「兵工廠」嘅決心同進攻能力，預料會反客為主率先搶攻。

拜仁女足防線穿窿
拜仁慕尼黑女足近期連場大勝，近4場攻入19球，不過佢哋面對歐洲頂級球隊，防守力仍有不足，今屆首輪就曾經被巴塞隆拿女足狂數7比1。拜仁慕尼黑女足同阿仙奴女足近年歐聯經常碰頭，近3次交手半場總入球全開2球或以上，一於再追1.5/2球半場大。
广东聘多多 gdpdd.com 广东招聘网 广东人才网 广东找工作