女歐聯：皇馬女足強勢速破巴黎_東方日報

女子歐聯第3輪賽事，兩戰全勝嘅皇家馬德里女足，喺主場迎戰法甲勁旅巴黎ＦＣ。皇馬女足今季氣勢如虹，近12場比賽豪取11勝1和佳績，包括連外圍賽在內嘅歐戰4連勝，今仗面對實力低一班嘅巴黎ＦＣ女足，肯定乘強勢搶攻，半場主勝可以放心捧場。（Now 639周三凌晨4時直播）文:工廠仔

皇馬女足今夏聘請巴奧基沙達執教後，球隊進入新時代，表現比往年更穩定同具效率，近12場比賽錄得11勝，令球員愈踢愈有信心，上輪歐聯佢哋就擊敗另一支法甲勁旅巴黎聖日耳門女足，今場對手巴黎ＦＣ女足實力唔及巴黎聖日耳門女足，皇馬女足主場出擊，要全取3分當然綽綽有餘。

巴女作客腳軟頂唔住
皇馬女足啱啱喺西甲大勝5比0，一眾球員信心爆棚，踢法亦更加主動，今屆4場歐聯賽事，全部都喺上半場領先，並且保持勝果到最尾，預料今場都會照辦煮碗，務求盡早領先穩定勝局。巴黎ＦＣ實力有限，上輪吞車路士女足4蛋，上半場就已經輸兩球，加上球隊近4次作客，有3次都係半場落後，今次造訪馬德里相信都係凶多吉少，捧半場主勝啱數。
广东聘多多 gdpdd.com 广东招聘网 广东人才网 广东找工作