今日下午澳職賽事，阿德萊德聯主場對西悉尼流浪者。兩隊近況都曳，「阿聯」近期2連敗，攻力大不如前；西悉尼近況亦差，開季2和1負未嘗一勝，近6場全開3球或以下，今場入球大細中位數開到3.5球，首選入球細。
（無綫myTV SUPER周五下午4時35分直播）文:邪神
睇番阿德萊德聯上季澳職，可以話係「神經刀」，常規賽入53球並列第3多，失55球屬澳職第2多，經常開出大比數，不過今季換咗領隊，情況有所改善，新帥巴西籍嘅安迪奧利係「阿聯」青訓梯隊主帥，初次執教一隊需要段摸索期，球隊開季3場，射手奇治葛雲仍未開齋，其前鋒拍檔盧卡祖雲奴域亦僅入1球，此情況相信暫時都唔會改變。
桑馬達離隊攻力大減
西悉尼係上季常規賽攻力最強球隊，攻入58球，今季最大改變係西班牙球星桑馬達離隊，新加盟老將巴巴路西斯攻入1球後無以為繼，連帶球隊成績亦受影響，攻力下降，不過佢哋防守尚算硬淨，近期甚少入球交收，作客更加會縮後嚟踢，3.5球入球細值博。
广东聘多多 gdpdd.com 广东招聘网 广东人才网 广东找工作
粤公网安备44011302004166号