英超：夏蘭特施美安鬥數胡 曼城般茅火力大比併_東方日報

英超前列搶分戰，曼城主場迎戰般尼茅夫。「藍月亮」今季表現回穩，近4場主場全勝，今場贏面唔低；作客嘅般茅異軍突起，聯賽排名仲高過曼城，而且踢法開放，近5次作客4次開4球或以上，加上曼城近3次聯賽主場對般尼茅夫全開4球或以上，大家等睇入球騷，捧3.5球入球大。（Now 621及611周一凌晨零時30分直播）文:邪神

曼城上輪0比1輸畀阿士東維拉，首席射手艾寧夏蘭特嘅連續12場入球紀錄斷纜，只能夠同C朗平紀錄，不過佢哋上周中英聯盃已經重上正軌，出輪換陣容照贏史雲斯3比1，證明球隊冇受輸波影響，現時以11球領先英超射手榜嘅夏蘭特輪休過後，今場又可以延續佢嘅入波大業。

睇番曼城近期主場表現醒神，季初輸畀熱刺後已經累積4連勝，包括5比1大勝般尼，預計主帥哥迪奧拿繼續排出攻擊陣容，兩翼沙雲奴、謝利美杜古、中場菲爾科頓及雷恩達斯，為單箭頭夏蘭特輸送彈藥，大舉轟炸般茅陣地。

博兩隊入球+曼城淨勝兩粒
般尼茅夫堪稱神奇球隊，今夏大量出售主力後成績不跌反升，新兵巴科迪迪亞基迪同左閘阿祖安杜法特快速融入，翼鋒安東尼施美安更累積6球排射手榜次席，好表現主要係主帥伊拉奧拿功勞，該位43歲西班牙少帥嘅高強度進攻戰術，高風險帶來高回報，近期頻頻搶分，更有唔少係大比數，包括贏富咸3比1同埋3比3和水晶宮，今場遇上攻力超強嘅曼城絕對唔會縮，預計將會火花四濺，捧3.5球入球大之餘，同場過關「兩隊均取得入球&曼城淨勝（2）球或以上」不妨兼顧。
广东聘多多 gdpdd.com 广东招聘网 广东人才网 广东找工作