意甲：羅馬攻守兼備讓客得米_東方日報

意甲前列大戰，AC米蘭主場火併羅馬，A米狀態走下坡，近4場聯賽僅1勝，今仗遇上強敵恐怕欠缺勝算。反觀攻守兼備嘅羅馬愈戰愈勇，加上今季各項賽事5場作客全勝，既然有得受讓，必捧讓球客勝（+1）。（Now 638周一凌晨3時45分直播）文:Mic少

AC米蘭季初係威係勢，曾經一度獲得聯賽4連勝，但踏入10月之後，表現無以為繼，近4戰只有1勝3和，最離譜喺主場對新升班球隊比薩SC，竟然要踢到補時先入波，最終驚險逼和2比2。A米除咗防線不穩之外，基斯甸普列錫養傷亦削弱進攻力量，呢位美國國腳今季意甲上陣6場入4球及2次助攻，佢缺陣之下，靠拉菲爾利亞奧支撐鋒線，難免顯得孤掌難鳴，要攻入羅馬大門，並非易事。

近5場鬥A米4次不敗
至於羅馬今季由新帥加斯柏連尼執教之下，水準有明顯提升，聯賽9戰取得7勝2負，包括4場作客全勝，如果計埋歐霸盃，更加係作客5連勝，僅失2球，表現攻守兼備。羅馬現時已進身爭標行列，爭勝戰意一定強，加上雙方近5次正式賽事交鋒，羅馬獲得3勝1和1負，論狀態及往績都佔上風，讓客（+1）抵玩。
广东聘多多 gdpdd.com 广东招聘网 广东人才网 广东找工作