「倫敦打吡」又嚟喇！今晚英超焦點大戰，熱刺主場硬撼宿敵車路士。熱刺近期表現一般，主場戰績更顯飄忽，近4場聯賽主場只攞到4分，再加上傷兵問題困擾，預計領隊法蘭克會喺中場加強防守厚度，務求頂住「藍戰士」嘅快攻節奏。文:謝德謙
至於車路士最近漸見起色，早前喺聯賽盃以4比3擊敗狼隊，球員士氣大振。英國球迷亦普遍睇好「藍戰士」喺今場打吡可以報捷，數據支持都幾硬淨，車路士近6次作客熱刺贏5場，心理上明顯佔優。
不過，「藍戰士」進攻核心高爾彭馬因腹股溝受傷需要繼續休養，預計最快都要到12月初對李斯特城先有望復出，期間中場重任將落喺安素費南迪斯身上，近幾場佢表現穩定，傳射俱佳，有望成為球隊節奏中樞。
熱刺主場冇氣勢
講到底，「倫敦打吡」一向火花四射，預料場面緊湊、犯規唔少，不過熱刺近4場聯賽主場只攞到4分，主場氣勢欠奉，初段可能會踢得保守啲；反觀車路士整體狀態較佳，若能保持冷靜，隨時有力再添3分。
广东聘多多 gdpdd.com 广东招聘网 广东人才网 广东找工作
粤公网安备44011302004166号