英超：阿仙奴乘勇繼續宮_東方日報

阿仙奴今晚英超喺主場出擊迎戰宿敵水晶宮，呢場「倫敦打吡」可以話係本輪焦點之一。「槍手」今季氣勢如虹，4場主場比賽已攻入11球，僅失1球，攻守表現平均，難怪穩坐榜首位置。文:謝德謙

水晶宮防線有瑕疵
從往績方面睇，阿仙奴明顯佔優，兩隊過去25次交鋒，「槍手」贏咗15場，水晶宮只係得3勝，其餘7場打和。兩軍對碰經常有大手交易，場均約3.4球，今仗預料亦會踢得相當開放。加上水晶宮前鋒桑馬迪達狀態大勇，聯賽已取得5球，將成為阿仙奴防線重點關注人物，不過水晶宮今季防線有瑕疵，每場平均失約1球，加上周中歐協聯主場輸畀ＡＥＫ拉亞拿卡，士氣稍受打擊，要喺酋長球場搶分，絕對唔係易事。

總括而言，阿仙奴主場氣勢強勁，加上整體實力優於對手，預計會控制比賽力爭3分。不過，水晶宮向來以頑強見稱，若能守穩防線並把握反擊機會，仍有機會爆冷。呢場「倫敦打吡」戰勢必火花四濺，值得球迷期待。（Now 621及611周日晚10時直播）
广东聘多多 gdpdd.com 广东招聘网 广东人才网 广东找工作