周五澳職大戰，紐卡素噴射機主場鬥墨爾本勝利，兩隊喺開咧戰都失分而回，今場力圖盡早打響勝鼓。年輕化嘅紐卡素噴射機上場戲劇性輸波，返主場會急於求勝，好大機會同墨爾本勝利對攻，隨時早段已經駁火，中位數1.5球半場大有計。
（無綫82台周五下午4時35分直播）文:工廠仔
走年輕化路線嘅紐卡素噴射機，季前用強攻踢法贏得澳足盃冠軍，不過返到聯賽難免要「交學費」，上場對中岸水手，領先下反輸再追和，點知喺補時8分鐘失守輸2比3。雖然20歲前鋒新星巴杜拿圖表現搶鏡有入波，但紐卡素噴射機防線鬆散，近3場失6球，若急於搶攻隨時中門大開。
勝利新兵對辦勢駁火
墨爾本勝利首輪雖然被奧克蘭FC悶和，但佢哋該仗有10次攻門，並製造3次黃金機會，只係前鋒把握力曳。進攻主力桑馬達、根里奧等球星都係夏天加盟，質素有保證，只待融入球隊，今場無懼同主隊鬥攻。翻查數據，紐卡素噴射機近6場賽事，有5場半場總入球開2球或以上，1.5球半場大抵玩。
广东聘多多 gdpdd.com 广东招聘网 广东人才网 广东找工作
粤公网安备44011302004166号