亞冠：江原防守醒神捧入球細_東方日報

亞冠精英盃第3輪賽事，A組上演「韓日對決」，韓職球隊FC江原主場迎戰日職勁旅神戶勝利船。神戶勝利船係今屆東亞區唯一兩戰全勝球隊，亦係唯一冇失波隊伍，穩打穩紮踢法成效顯著，今場作客將繼續穩中求勝，中位數2.5球入球細係最佳選擇。（HOY TV 76台周三晚6時直播）文:路西法

主場FC江原頭兩輪1勝1負，不過近期表現明顯下滑，近5場賽事不勝之餘，有3仗連波都入唔到。FC江原進攻能力薄弱嘅問題積累已久，佢哋係今季韓職入球最少球隊，場均入球唔到1球。進攻完全死火情況下，只能靠唔錯嘅防守力去支撐，亦係佢哋成績受到焗限嘅原因。

保留體力睇定嚟食
神戶勝利船啱啱喺日職「冠軍前哨戰」0比0悶和鹿島鹿角，惡戰下球員體能大為虛耗，今場作客喺踢法上會作出調節，好大機會拖慢節奏畀球員保存體力。神戶勝利船防守向來可靠，對上7場作客，有6場總入球開2球或以下，雙方都以防守為前提下，再開2.5球入球細機會高。
广东聘多多 gdpdd.com 广东招聘网 广东人才网 广东找工作