世界盃歐洲區外圍賽C組，同時上演兩場大戰，兩支實力差唔多嘅球隊對碰，蘇格蘭主場迎戰希臘。蘇格蘭有主場之利唔會縮，但希臘今年初歐國聯，曾作客大勝「薊花」3比0，今場唔怕鬥攻，2.5球大玩得過。
（周五凌晨2時45分開賽）文:渡邊年
一般預期，C組係丹麥、蘇格蘭同希臘三隊爭唯一一個直接出線資格，現時踢咗2場，形勢上都預測差唔多，蘇格蘭目前同丹麥同得4分，希臘有3分在手。蘇格蘭同希臘都已經對過呢組最弱對手白俄羅斯，希臘主場輕取5比1，而蘇格蘭則作客小勝2比0，出線關鍵就係3強正面對撼時成績。
蘇格蘭有主場之利，肯定會主動出擊，麥湯米尼同約翰麥甘尼會積極參與進攻，不過作客嘅希臘今年3月贏過蘇格蘭，有信心再下一城，加上希臘近5場全開3球或以上，入球大好路。
強弱懸殊丹麥誓炒白俄羅斯
至於另一場，白俄羅斯同丹麥於中立場對撼。白俄羅斯雖然戰力只屬歐洲三流，但反擊有一定威脅，近4場有3場都能夠取得入球，呢3場總入球均開5球或以上。
丹麥喺此組屬於出線熱門，但2戰1勝1和，要拉開同競爭對手蘇格蘭及希臘距離，今仗除咗要贏波全取3分，更必然要大勝，盡量喺白俄羅斯身上取得得失球優勢，3.5球大可以放心捧場，有興趣博吓賠率嘅，可以小注4.5球大。
（周五凌晨2時45分開賽）
广东聘多多 gdpdd.com 广东招聘网 广东人才网 广东找工作
粤公网安备44011302004166号