世盃外：搶直接出線席位卡塔爾大起阿曼_東方日報

世界盃亞洲區外圍賽第四圈，今個國際賽期連打3場，爭最後兩個直接出線席位，今日上演兩場，分別係A組卡塔爾對阿曼，以及B組沙特阿拉伯對印尼。文:渡邊年

亞洲區外圍賽其實上圈已經有6隊，包括日、韓、澳等攞咗決賽周入場券，依家第4圈就係上圈3個小組嘅第3及第4名，6隊抽籤分為A、B組，A組為卡塔爾、阿聯酋及阿曼，B組則有沙特阿拉伯、伊拉克及印尼，喺10月8日、11日同14日踢單循環制，每組首名進身決賽周，次名轉戰第5圈。理論上賽事喺中立場舉行，但國際足協就判咗畀卡塔爾同沙特阿拉伯主辦，變相益咗呢兩隊，引起其他4隊不滿。

今晚打頭陣係A組卡塔爾對阿曼，卡塔爾曾以主辦國身份出戰2022年世盃，陣中更有阿克林阿費夫等球星壓陣，經驗十足，不過佢哋近期成績麻麻，好彩卡塔爾攻力可靠，多場賽事都開出大比數，近11場世盃外，10次開3球或以上。阿曼同樣防線不穩，於第3圈B組10戰失14球，屬小組失球第2多球隊，僅以強大攻力補救，今場兩隊搏拳實多波入，首選2.5球大。（港台電視32台周三晚11時直播）

沙特印尼鬥磨吼入球細
至於B組沙特阿拉伯迎戰印尼，沙特超雖然邀請國際巨星加盟，但國家隊實力未見大幅進步，從第3圈所見，該隊踢法守強於攻，近8場世盃外7次開2球或以下。印尼由歸化兵組成，實力同列強有距離，今場作客勢必小心翼翼，捧2.5球入球細啱數。（港台電視32台周四凌晨1時15分直播）

广东聘多多 gdpdd.com 广东招聘网 广东人才网 广东找工作