英超：禾達美迪發揮綁手綁腳 紐記頂硬上細盤秤仙_東方日報

今晚英超重頭戲，紐卡素主場火併阿仙奴，「喜鵲」紐卡素仍未能走出「後伊沙克時代」困局，聯賽5戰僅得1勝3和1負入得3球，遇上防線穩健嘅「兵工廠」，更難取得入球。阿仙奴受到傷兵問題困擾，今場可勝不穩，雙方近9次聯賽交鋒有8次開2球或以下，寧博2.5球入球細。（ViuTV 99台、Now 621及611周日晚11時30分直播）文:Mic少

紐卡素即使簽入德國前鋒禾達美迪頂替阿歷山大伊沙克，但效果相差甚遠，佢為「喜鵲」上陣4次僅入1球，畢竟呢位23歲新星資歷及經驗尚淺，估計仍然需要一段時間適應英超比賽節奏，尤其是遇上豪門阿仙奴，將承受更大壓力，可能會進一步影響發揮。最不幸係另外兩位新加盟進攻球員積及藍斯同尤尼韋沙都因傷缺陣，喺人腳選擇有限情況下，今仗難以發圍。

傷「兵」成籮仲要留力歐聯
另邊廂，阿仙奴防線四平八穩，今季各項賽事7戰僅失2球，但進攻球員頻頻受傷，繼夏維斯、布卡約沙卡同馬田奧迪加特輪流受傷後，原本表現大勇嘅翼鋒馬度基亦加入「十字兵」行列，預料11月先至可以披甲。即使布卡約沙卡已復出，但仍未恢復十足狀態，今仗未必可以踢足全場。此外，阿仙奴將於下周中踢歐聯主場對奧林比亞高斯，亦要小心體力分配，一旦領先應該會拖慢比賽節奏，估計今場就算贏都好，都只會係小勝居多，博2.5球入球細更加划算。

广东聘多多 gdpdd.com 广东招聘网 广东人才网 广东找工作