沙特職：吉達搶半W決森十足_東方日報

沙特職賽事，球星雲集嘅吉達艾阿里開季接連失分，今輪作客下游分子艾哈森不容再失，必定全力出擊爭勝。吉達實力遠勝主隊，而且為準備之後亞冠精英盃，今仗會希望速戰速決，半場客勝可以投信心一票。

（on.cc東網周五晚11時35分直播）文:Mic少

吉達艾阿里開咧3場1勝2和，上場聯賽同希拉爾激戰，落後3球下力追至3比3，球員士氣高昂，英格蘭前鋒艾雲東尼近2場入3球腳風頗順，佢嘅制空力同重炮有力擊破主隊鐵桶防守。吉達吸取上場入局慢嘅教訓，今場肯定會打醒十二分精神，早段即進行逼搶施壓。

艾哈森級數差兩班
吉達艾阿里下周仲要踢亞冠精英盃，今場梗係唔想磨到尾，以免消耗太多體力，預料上半場就會狂攻，爭取建立領先優勢。艾哈森開季3場聯賽不勝，只係入過1球，級數同吉達差兩班。翻查兩隊近3次對賽，吉達艾阿里都可以喺上半場領先，一於追半場客勝。
广东聘多多 gdpdd.com 广东招聘网 广东人才网 广东找工作