歐霸盃：戰績曳最怕英超兵 貝迪斯未上力讓唔起森林_東方日報

歐霸盃開鑼，首圈重頭戲西甲球隊貝迪斯，主場迎戰英超球隊諾定咸森林。貝迪斯上季仲踢緊歐協聯，雖然打入決賽，但最終1比4負於車路士腳下，無緣冠軍，而且佢哋3次歐洲賽對英超球隊全敗，數據不利；至於森林闊別30年後重返歐洲賽，球員鬥志一定旺盛，睇好佢哋喺歐霸盃旗開得勝，森林受讓平半捧下盤。

（Now 643 周四凌晨3時直播）文:邪神

上季西甲排第6、歐協聯獲得亞軍嘅貝迪斯，今季早喺季前先有進攻靈魂艾斯高受傷缺陣，巴西翼鋒安東尼馬菲奧斯亦要拖到夏季轉會窗死線前，先落實由曼聯外借再度加盟，錯過季前集訓機會，狀態大受影響，因此球隊季初表現只屬一般，上場對皇家蘇斯達贏3比1，3場不勝後總算重上勝軌。

澳普夠經驗有森有力
雖然貝迪斯近年有應付歐霸盃同歐協聯經驗，亦習慣雙線作戰，不過歐霸盃表現始終差啲，前季歐霸盃分組賽經已出局，今季再度挑戰呢項盃賽，要取得突破並唔容易。

至於諾定咸森林喺歐洲擁有極大名氣，1979同80年兩奪歐聯前身嘅歐冠盃，不過對上一次踢歐洲賽已經係1995年，今季係佢哋闊別30年後再次進軍歐洲賽事，擁有輝煌歷史加持，定必將士用命。森林早前改由普斯迪高路執教，「澳普」正正就喺上季帶領熱刺捧走歐霸盃，應付呢項賽事可謂駕輕就熟，今場「衞冕戰」當然值得重視，森林下盤有計。
广东聘多多 gdpdd.com 广东招聘网 广东人才网 广东找工作