意甲：谷住度氣要搵人「祭旗」拿玻里搶半Ｗ薩聲震天_東方日報

今輪意甲壓軸之戰，拿玻里主場撲擊比薩SC。上季冠軍拿玻里剛於歐聯輸波，谷埋一肚氣，正好拎呢支新升班球隊「出火」，勢必贏番場漂亮勝仗重振軍心；不過主Ｗ冇肉食，一於轉捧半場主勝。（周二凌晨2時45開賽）文:Mic少

拿玻里上周中歐聯作客0比2不敵曼城，好大原因由於後衞迪羅倫素開賽21分鐘就領紅牌被逐，教練干地焗住換走中場大腦奇雲迪布尼，調入馬泰斯奧利華拉填補防線空缺，嚴重打亂部署，力戰而敗實屬不幸，一班球員自然谷住度氣。其實拿玻里今季聯賽發揮出色，3戰全勝，新加盟前鋒海倫上輪「地標戰」對費倫天拿即有入波，其他「英超棄將」如迪布尼及麥湯米尼等亦交足貨。佢哋踢法搶韁，跨季近7次聯賽主場出擊，5次領先半場，可望再次速戰速決。

比薩SC易帥愈踢愈頹
比薩SC相隔34年重返意甲，本來值得恭賀，但主帥恩沙基選擇功成身退，會方搵嚟另一昔日意大利著名射手基拿甸奴執教，成績不如理想，3戰只有1和2負入得一粒，除因為球員要重新適應戰術外，本身人腳質素亦曳，唔多夠料喺意甲立足，遇上王者拿玻里，估計半場都頂唔住。
广东聘多多 gdpdd.com 广东招聘网 广东人才网 广东找工作